20071011-20071012 嘉峪關

20071011
早上update完個blog,(因太多人用機,只可update文字)寫完日記. 原定約了另一上海女子搬出近客運站的旅館住,明天一起去嘉峪關.在坐車途中收到她來電趕不到到車站.如果我一個人找住要成本$50. 突然決定自己走.領可用下午時間搭車,明早行關成,下午坐車去嘉峪關關城.

咁就真真正正一個人上路了(因之前一直好幸運有d勁人在旁,不用小妹操心).近2時到客運站,問有冇車去嘉峪關,有,2:30pm,好買票.......

車程要近5個小時,在車上冇背包友,有d驚....下車時仲驚....因得我一個人(是中途站,仲要係馬路回旋處邊下車,個天仲開始黑)不過唔知係咪我個樣夠'薯'司機同個助手好緊張話我知1路車去市中心,4路車可去關城,現在點去火車站,仲叫我買咗火車票先喎.哈! Thanks GOD!

一路去火車站,路上大多是老人家在散步.....

好快買了明天下午去西安的車票,打算在火車站附近住,因有1同4路而且明天走得方便些.見到一背包友,仲耍係廣東人,鬼咁開心!!! 但一傾之下,他要住4星級酒店-->bye bye! 因我budget 只有$30-50而且市中心沒甚麼特別.

再好快咁搵間簡單招待所,$30元,一人用二人間,到西安YHA才沖涼了. :p

settle後搭1號車入市行吓,好彩比我搵到條食街,成條街好多小店食d小食(不過都係麵,燒烤等)

11時左右瞓了.

20071012
今天一早7:30am起來食過杯麵去嘉峪關關城,順利用學生票.人還算不多,但都有旅行團. 我盡量避開他們,因我想拍些照片是沒有人的(當然我都不在相裡面啦).

個城比我想像中大,慢慢行,很涷,穿了兩件'抓毛'+件geotex都好大風.城外見到雪山,沙土,當然也有火車啦.不過我在想當年守城的士兵都好辛苦了. 而且我一直由云南,四川,西藏,新疆到甘肅來見到不同的小數民族,回族,維族等等.(有冇見到新疆照片中的小朋友好似西人?)令我感受到中國的統一真不是一件易事,是幾千年以來很多人的努力,以前讀歷史都無咁大感觸.

回程時搭4路車,用心看看這個嘉峪關,很多運動設施,運動店,洗頭店,新樓,我覺得比我想像中好,可能都是西部大開發的結果,昨晚看電視講一農民種薯仔,一家平均每月每人收入由$500-600升至萬多元(因引進新科技及技術).其實一路由西藏過來見到的是由貧窮變到富裕,由落後變到發達. 西北部在追沿海地區. 相信再過幾件整個中國會更不同.

香港在中國的南部,唔知沿海地區在追甚麼呢,會否停了下來........

一會兒坐車去西安,到時唔知見到甚麼了.

ps:
1.'冗員'唔一定要成日上網,更唔一定要睇我個blog,得力的員工會好好自己安排他的工作,在指定時間內用心完成工作,但唔一定唔成日上網.
2. 關心同八卦的分別在本人心中是這分別:前者會關心事態對其他人的影響而作出慰問,關心. 後者時間多,知多d冇壞,但抱事不關己己不勞心. 大家明唔明?唔明就問吓中文老師啦!
3. ada,你不用我賠,我就感激都黎唔切啦!
4.都係未有相睇,再等吓啦啦隊
5.據可靠消息,女主角去完西安,北京可能未必去上海,就直到香港.哈哈!要睇編劇心情! :p